இணையதளம் உருவாக்குவது எப்படி? - How to Make a Website?

சாதாரணமாக ஒரு புத்தகம் (Book) என்பது பல்வேறு பக்கங்களின்  (Pages) தொகுப்பு ஆகும்.

ஒவ்வொரு பக்கத்திலும் எழுத்துக்கள் (Texts)  மற்றும் படங்கள் (Images) இருக்கும்.

அதுபோலவே ஒரு இணையதளம் (Website) என்பது பல்வேறு இணையப் பக்கங்களின் (Web Pages) தொகுப்பாகும்.

ஒவ்வொரு இணையப்பக்கமும் (Web Page)  எழுத்துக்கள்(Text), படங்கள் (Images), ஒலி(Audio), ஒளி(Videos) மற்றும் பல்வேறு மல்டிமீடியா(Multimedia) தகவல்களை உள்ளடக்கியதாக இருக்கும்.

ஒரு இணையதளத்திற்கு தேவையான இணையப்பக்கங்கள்(Web Pages), படங்கள்(Images) ஒலி(Audio) மற்றும் வீடியோ(Video) ஆகியவை அனைத்தும் ஒரு Folder - க்குள் வைக்கப்பட்டிக்கும்.

ஒரு புத்தகத்தின் முதல் பக்கம் Index Page எனப்படுகிறது. அதில் எந்தெந்த பக்கங்களில் என்னென்ன தலைப்பில் தகவல்கள் உள்ளன என்ற விபரம் அச்சடிக்கப்பட்டிருக்கும்.

அது போலவே ஒரு ஒரு இணையதளத்தின் முதல் இணையப்பக்கமானது Home Page என அழைக்கப்படுகிறது.

நீங்கள் ஒரு இணையதளத்தை பார்வையிடும்போது தெரியும் முதல் பக்கமே அந்த இணையதளத்தின் Home Page ஆகும்.

ஒரு இணையதளத்தின் நூற்றுக்கணக்கான இணையப்பக்களில் எந்த இணையப் பக்கம் Home Page - ஆக இருக்க வேண்டும் என்பதை அந்த இணையதளத்தை உருவாக்கியரே முடிவு செய்ய வேண்டும்.

இப்போது ஒரு சிறிய இணையப்பக்கத்தை (Web Page) உருவாக்குவது பற்றி பார்ப்போம்....

Notepad - ஐ திறந்து கீழ்கண்டவற்றை டைப் செய்யவும்...

முடித்தவுடன் அந்த File - ஐ "mysite.html" என்று பெயர் கொடுத்து Desktop - ல்  Save செய்யவும்.

நினைவில் கொள்ளுங்கள். File name  ஆனது " " க்குள் கொடுத்து Save  செய்யவேண்டும்.

பின்னர் Desktop சென்று பார்த்தால் அந்த File ஆனது ஒரு WebPage ஆக ஆகியிருப்பதை பார்க்கலாம்.

இப்போது அந்த Web Page - ஐ Double Click செய்யவும்.

அந்த Web Page ஆனது தானாகவே Browser மூலமாக Open ஆகும்.

இப்போது நாம் mysite.html என்ற ஒரேயொரு WebPage உருவாக்கி விட்டோம்.

இதுபோன்று பல Web Page - களை இணைத்து ஒரு WEB SITE உருவாக்கலாம்.

சரி. ஒரு இணையதளத்தை உருவாக்கி விட்டோம். அதை நாமே நமது கணினியில் பார்ப்பதற்கா உருவாக்கினோம்?

உலகமே அதை பாரக்க வேண்டாமா?

அதற்குத்தான் வெப் செர்வர் ( Web Server)  பயன்படுகிறது.


நாம் உருவாக்கிய இணையதளத்தை ஒரு போல்டருக்குள் பொட்டலம் போல கட்டி அதை வெப் செர்வர் எனும் ஒரு அப்ளிகேசனை திறந்து அதில் தூக்கி அந்த பொட்டலத்தை போட்டு விட்டால் உலகமே உங்கள் இணைய தளத்தை பார்வையிட முடியும்.

எப்படி செய்வது?

அடுத்த பதிவில் பார்ப்போம்......

....

RUN YOUR OWN WEBSITE FROM HOME -வீட்டிலிருந்தே இயக்கலாம் உங்கள் சொந்த இணையதளம்!

ஒரு பைசா செலவில்லாமல் உங்கள் சொந்த இணையதளத்தை உலகம் முழுவதும் பார்வையிட செய்யலாம்!

எப்படி?

முதலில் இணையம் அதாவது  Internet எப்படி செயல்படுகிறது என்பதை அறிந்து கொள்ள எனது முந்தைய பதிவுகளை படிக்கவும்.

வீட்டிலிருந்தே உங்கள் சொந்த இணையதளத்தை இயக்குவது பற்றி தெரிந்து கொள்ள எனது அடுத்தடுத்த பதிவுகளை தொடர்ந்து படிக்கவும்.....

அடுத்த பதிவில் இணையதளம் உருவாக்குவது பற்றி பார்ப்போம்!

....

Access Linux from Windows - விண்டோஸ் கணினியிலிருந்து லினக்ஸ் கணினியை இயக்க...

ஒரு நிறுவனத்தில் ஒரே நெட்வொர்க்கில் இணைக்கப்பட்டுள்ள அனைத்துக் கணினிகளிலும் விண்டோஸ் இயங்குதளம் உள்ளது.

அத்தனைக் கணினிகளிலும் லினக்ஸ் இயங்குதளம் பயன்படுத்தவேண்டிய தேவை ஏற்படுகிறது எனில்....

அனைத்துக் கணினிகளிலும் லினக்ஸ் இன்ஸ்டால் செய்யத் தேவையில்லை.

ஏதாவது ஒரு கணினியில் லினக்ஸ் இன்ஸ்டால் செய்து அந்த கணினியை மற்ற அனைத்து விண்டோஸ் கணினிகளும் இயக்க முடியும்.

முதலில் ஏதாவது ஒரு கணினியில் லினக்ஸ் இன்ஸ்டால் செய்ய வேண்டும்.

பிறகு அந்த லினக்ஸ் கணினிக்கு  அந்த நெட்வொர்க்கில் இணையும்படி  ஒரு IP Address கொடுக்க வேண்டும்.

உதாரணமாக:  192.168.1.123

பின்னர் PuTTY.exe என்ற  ஒரு Software -    கீழ்க்கண்ட  இணையதளத்திலிருந்து  Download செய்து அதை  மற்ற அனைத்து விண்டோஸ் கணினிகளிலும் நிறுவ வேண்டும்.

http://www.putty.org/

இப்போது விண்டோஸ் கணினியில் PuTTY.exe  - திறந்து லினக்ஸ் இன்ஸ்டால் செய்த கணினியின்  IP Address கொடுக்க வேண்டும்.

பின்னர்  PuTTY.exe - ல் லினக்ஸ் கணினியின் UserName மற்றும்  Password உள்ளீடு செய்தால்...

விண்டோஸ் கணினியிலிருந்து லினக்ஸ் கணினியை இயக்க முடியும்.

இதே முறையில் ஒரேயொரு லினக்ஸ் கணினியை மற்ற எல்லா விண்டோஸ் கணினிகளும் ஒரே நேரத்தில் இயக்கலாம்.

......

WEB SERVER - வலை சேவையகம்

ஒரு இணையதளத்தை உலகம் முழுவதும் பார்வையிட பயன்படும் சில பிரபலமான Web Server - களின் பெயர்கள் கீழே உள்ளன.

Apache web server - the HTTP web server

Apache Tomcat

Internet Information Services (IIS)

Nginx web server

lighttpd

Jigsaw

Klone

Abyss web server

Oracle Web Tier

X5 (Xitami) web server

Zeus web server

மேலும் இது போன்ற நிறைய WEB SERVERS பயன்பாட்டில் உள்ளன. அவற்றின் பெயர்கள் மற்றும் விபரங்களை அறிய :

https://en.wikipedia.org/wiki/Comparison_of_web_server_software

 பக்கத்திற்கு செல்லவும்.

....

குடி கெடுப்போம்!

மாபெரும் கூட்டத்திற்கு வந்திருக்கும் மது விலக்கு மன்னர்களே!

மடாகுடிகாரர்களே!

எனது கட்சிக்காரர்கள் பெரும் குடி மக்கள்தான் என்பதில் கட்டிங் அளவும்  சந்தேகம் இல்லை.

ஏன் குடித்தார்கள் எனது கட்சிக்காரர்கள்?

இத்தனை ஆண்டுகளாய் எனது கழகக் கண்மணிகள் மூத்திர சந்துகளில் முட்டு முட்டாக நின்று கொண்டு மதுவை குடித்தே ஒழித்தார்கள்.

அந்த வீராதி வீரர்களை வீம்புக்கு இழுக்கவேண்டாம் என்று வீராப்புடன் தெரிவித்துக்கொள்கிறேன்.

நான் எதிர்க்கட்சிக்காரர்களுக்கு சவால் விடுகிறேன்!

இதோ இந்த கூட்டம் நடக்கும் இடத்தை சுத்தி இருவது சொச்சம் டாஸ்மாக் கடைகளிலே எந்தக்கடையிலாவது ஒரு கட்டிங் சரக்கு மிச்சம் கண்ணால் பார்க்க முடியுமா?

அத்தனை பாட்டில்களையும் அடித்து ஒழித்தால் அராசகம் செய்கிறார்கள் என்று அவப்பெயர் உண்டாக்கிவிடுவார்கள் என்பதால் காசுக்கு வாங்கி அத்தனை சரக்குகளையும் குடித்தே அழித்து விட்டார்கள் எவ்வளவு குடித்தாலும் தாங்கும் எஃகு குடல் கொண்ட எனது கழகக் கண்மணிகள்.

ஒரு கீரைக்கட்டு வாங்க கிழக்கும் மேற்குமாக யோசிக்கும் எனது கட்சிக்காரன் அரைபாட்டில் சாராயத்திற்காக அடிவயிற்றில் அநாவசியமாக இருக்கும்  கிட்னியையே அடகு வைக்கக்கூட தயங்கமாட்டான் என்பதை ஆணித்தரமாய் அடித்துக் கூறுகிறேன்.

சும்மா ஒரு பேச்சுக்கு சொன்னோம் என்பதற்காக உண்மையிலேயே இந்த அரசு இறுமாப்புடன் பூரண மதுவிலக்கை கொண்டுவந்து தொலைக்குமேயானால் அதற்காக சோர்ந்துபோய் சோடை போகமாட்டான் எனது சொந்தக்கட்சிக்காரன்.

பஸ் ஏறிப்போய் பாண்டிச்சேரி சென்று பார்களிலே படுத்து உருண்டு கிடப்பான்.

அல்லது கால்நடையாகவே காரைக்கால் சென்று கடலில் காத்து வாங்கியபடியே கட்டிங் அடிக்கத் தயங்க மாட்டான் என்பதை கடுமையாக தெரிவித்துக்கொள்கிறேன்.

பூரண மதுவிலக்கு என்ற வார்த்தையை படித்து பொதுமக்களுக்கு வேண்டுமானால் புல்லரிக்கலாம். ஆனால் குடித்து குடித்து குடல் செல்லரித்துப்போன எனது கட்சிக்காரன் அந்த கொடுஞ்சொல்லைக் கேட்ட அதிர்ச்சியிலே ஆயே போய்விடும் ஆபத்தும் உண்டு என்பதை அரசுக்கு அமைதியாக சொல்லிக்கொள்ள ஆசைப்படுகிறேன்.

அதனால்தான் ஒருவேளை அடுத்த தேர்தலில் அசம்பாவிதமாக நாங்கள் ஆட்சிக்கு வர நேர்ந்தால் பூரண மதுவிலக்கு சாத்தியமில்லை என்ற வார்த்தையை அடிக்கடி சொல்லி குடிகாரர்களின் குடல் குளிரச்செய்யும் வேலையை குத்துமதிப்பாய் செய்து வருகிறேன்.

சந்தனக் காடுகளிலே சாராயம் காய்ச்சி  சந்து பொந்துகளில் எல்லாம் விற்று சந்தோசமாய் வாழ்ந்த எனது சாதிக்கார சரித்திர நாயகர்களின் சல்லாப வாழ்க்கையை தரித்திரமாய் வந்த டாஸ்மாக் கடைகள் பீஸ் பீஸாய் கிழித்து போட்டதால்தான் அவர்கள் தார்ச்சாலை ஓரங்களிலே தயிர் விற்கும் நிலைமைக்கு தள்ளப்பட்டுள்ளார்கள் என்பதை இங்கே தயக்கத்துடன் சொல்லிக்கொள்ள விரும்புகிறேன்.

ஊக்க மதுவை கைவிடாதே என்று எங்கள் முப்பத்தா கிழவி சொன்ன சொல்லை நாங்கள் மறந்தாலும் இந்த அரசு தூக்கத்திலும் மறக்கப் போவதில்லை என்பதோடு சாராயம் விற்பதை தவிர வேறு எந்த வருமானமும் இந்த வக்கற்ற அரசுக்கு இல்லை என்பதை இங்கே நான் ஏக்கத்துடன் தெரிவித்துக் கொள்கிறேன்.

 அதே வேளையிலே,

காலியான அரசின்

கஜானாவை நிரப்புவதற்காக

காலையிலேயே வெறும் வயிற்றில் குடித்துக் குடித்து

கல்லீரல் காலாவதியான கணவனை

கவர்மென்ட் ஆஸ்பத்திரியில்

கட்டிலில் கடாசி விட்டு அவனுக்கு

கஞ்சி கொண்டு செல்லும் நவீன நளாயினிகளுக்கு

கட்டணமில்லா ஓசி பேருந்து பயணம்...

சரக்கு அடித்துவிட்டு

சீர்வரிசையாக பெற்ற வாகனத்தில்

சீறிக்கொண்டுபோய்

சாலைப் பள்ளங்களில் பரப்பி விழுந்து

பல் வரிசையை பறிகொடுத்த

குடிமகன்களின் மருத்துவ மனை செலவுக்காக இன்னுயிர் காப்போம் திட்டம்...

போன்ற அரசின் அறிவிப்புகள்,

வீட்டில் உலை வைக்க வைத்திருந்த காசை

அரசு மதுபானக் கடையில்

மலை போல் குவிக்கும் அளவுக்கு

சாராயம் குடித்து சரித்திரம் படிக்கும்

குடிகாரர்களின் மேல்

அரசிற்கு இருக்கும் அளவு கடந்த மரியாதை கொண்டு,

நன்றி கடனுக்காக செய்யும் நலப்பணிகள் என அனைவருக்கும் புரிகிறது.

அதே நேரத்திலே....

புகை பிடிப்பதால் ஒருவன் புத்துணர்ச்சி பெறுகிறான் என்பதையும் காசநோய் வந்து  'லொக்கு லொக்கு' என்று இருமிக் கொண்டிருக்கும் ஒருவன் அருகில் தூங்குபவருக்கு அலாரமாகப் பயன்படுகிறான் என்பதையும் அரசியல் அநாதைகள் அறிந்து கொள்ள வேண்டும்.

புகை பிடித்தால் புற்று நோய் வருமே? என்று சில புண்ணாக்குகள் புலம்பினாலும், சிகரெட் குடித்தால் சீக்கு வருமே? என்று சில சில்வண்டுகள் சிணுங்கினாலும்,காசநோய் வந்து பலபேர் கல்லறைக்குப் போவார்களே? என்று  எனது மனசாட்சி மப்ளரைப் பிடித்து உலுக்கினாலும், காசு நோய்ப் பிடித்த எனது கஸின் பிரதர் சில்லரைக்கு விற்கும் சிகரெட்டுக்காக வாய் வலிக்க வக்காலத்து வாங்க வேண்டிய வலுக்கட்டாயம் ஏற்பட்டுள்ளது என்பதையும் வருத்தத்துடன் தெரிவித்துக் கொள்கிறேன்.

ஆறு நிறைய தண்ணி போனாலும் நாய் நக்கித்தான் குடிக்கும் என்று சொல்லுவார்கள்.ஆனால் ஆறு நிறைய சாராயம் போனால் அதனை மள மளவென அள்ளிக் குடித்து மணல் தெரிய வைத்து விடுவார்கள் மானத்தை துச்சமென மதிக்கும் மந்தைக்கூட்டமாகிய எனது  கட்சிக் காரர்கள்  என்பதை மகிழ்ச்சியுடன் தெரிவித்துக் கொள்கிறேன்.

இறுதியாக ஒன்றை மட்டும் சொல்லிக்கொள்ள விரும்புகிறேன்.

எத்தனை தடைகள் வந்தாலும் மதுவை ஒழித்தே தீருவோம் என்று நான் குடித்த குவார்ட்டர் மீது சத்தியம் செய்து இத்துடன் எனது உரையை முடித்துக்கொள்கிறேன்.

 நன்றி !வணக்கம்!!மக்கழே!!!

.....

ஆபாச இணையதளங்களை தடை செய்வது எப்படி?- How to block Porn websites?

ஒரு கணிப்பொறியில் ஆபாச இணையதளங்களை  பார்வையிட முடியாதவாறு எளிதாக தடை செய்யலாம்.

Preferred DNS Server 

மற்றும்

Alternate DNS Server 

ஆக கீழ்க்கண்ட IP Address - களை  நமது கணிப்பொறியில் கொடுக்க வேண்டும்.

• 208.67.222.123
• 
  

• 208.67.220.123

• 
  

FamilyShield nameservers

என்ற பெயரில் opendns.com எனும் இணையதளம் இந்த சேவையினை இலவசமாக வழங்குகிறது.

.....